Assalamu'alaikum warahmatullahi wabarakatuh.

Sadaya puja-puji hamung konjuk wonten ing ngarsanipun Allah SWT, awit saking sih wilasa saha nugraha tuwin keparingipun, kula saged dherek nyengkuyung nguri-uri basa, sastra, lan budhaya Jawi ing blog punika.

Nadyan kula sanes ahli basa punapa malih ahli sastra lan budhaya, ananing inggih awit sinurung dening raos tresna saha raos melu handarbeni, pramila ugi rumaos tanggel jawab tumrap lestari lan ngrembakanipun. Pramila nadyan kanthi pangertosan ingkang cupet, cingkrang, kula kumawani ndhapuk blog punika.

Blog punika ngemot racikan babagan basa, sastra, lan budhaya Jawi. Materinipun dipun andharaken kanthi basa ingkang prasaja tuwin gampil katampi ing akathah, sarta raringkesan, muri sageda kaginakaken dening sadherek-sadherek, mliginipun dhateng para sutresna kabudayan Jawi.

Minangka panutuping atur, pandhapuk badhe tansah nampi panyaruwe tuwin pitedah saking para sedherek, ingkang tumuju dhumateng kula sampurnaning blog punika.

Maturnuwun,
Billahit taufiq wal hidayah,
Wasalam'ualaikum warahmatlahi wabarakatuh