Minggu, 26 Desember 2010

Desember 26, 2010 -

Tembung Dasanama

Dasanama iku saka tembung “dasa” karo “nama”. Dasa tegese sepuluh, dene nama tegese nama utawa aran. Dasanama tegese jeneng nganti sepuluh cacahe, sanajan kurang saka sepuluh uga diarani dasanama.

Upamane satriya ing Madukara, asmane: 
1. Janaka
2. Arjuna
3. Permadi
4. Parta
5. Dananjaya
6. Kandhi Wrahatnala
7. Setya Margana
8. Kombang Ali-ali
9. Prabu Kalithi
10. Pandhusiwi

Dasanama mau ora kudu sepuluh cacahe, sanajan kurang saka sepuluh, uga diarani dasanama.
Tuladha:
- Gunung : wukir, arga, aldaka, ancaha, meru, bukita, prabata, ardi, giri
- Geni : agni, brama, latu, pawaka, dahana
- Kethek : munyuk, wanara, rewanda, kapi, juris, palwaga, wre, pragosa
- Slamet : basuki, widada, raharja, rahayu, sugeng, yuwana
- Banyu : warih, her, tirta, we, ranu
- Anak : suta, siwi, atmaja, tanaya, putra, sunu
- Jaran : turangga, titihan, aswa, kuda, kapal, kepel
- Gajah : hesti, dirada, dwipangga
- Ula : sawer, teksaka, sarpa, naga
- Mripat : netra, soca, mata, pandulu
- Ilang : nir, musna, sirna, mendra
- Buta : reseksa, danawa, danuja, ditya, asura, diyu, kelana, wil
- Kalah : kasor, kawon, kaseser, kalindhih, katitih